काठमाडौं मदिरा संघ

आजको बदलिँदो डिजिटल युगमा कुनै पनि संस्था वा व्यवसायले प्रविधिसँग कदम मिलाएर अघि नबढे प्रतिस्पर्धा र सेवा वितरणमा पछि पर्न सक्छ। त्यसै दृष्टिले, मदिरा व्यवसाय संघ काठमाडौंले परम्परागत रूपमा सञ्चालित गतिविधिहरूलाई अब डिजिटल माध्यमबाट सुदृढ र पारदर्शी बनाउन लागेको छ। हाम्रो उद्देश्य सदस्य व्यवसायीबीच सूचना आदानप्रदानलाई सहज बनाउनु, सदस्यता वितरण र नवीकरण प्रक्रियालाई व्यवस्थित र छरितो गर्नु, तथा देशभरका मदिरा उद्योगबाट उत्पादित मदिरा जन्य वस्तुको प्रचार–प्रसारलाई आधुनिक प्रविधिको माध्यमबाट व्यापक बनाउनु हो। यसका लागि हामीले तयार पारेको डिजिटल एप्सले संघका सदस्यहरू, उद्योगी व्यवसायी र सरोकारवालाबीच प्रत्यक्ष सम्पर्कको पुलको काम गर्नेछ। यसले सदस्यता अभिलेख, व्यवसाय अनुमति, बजार जानकारी, र उत्पादन विवरण सबैलाई एकै स्थानमा उपलब्ध गराउनेछ !!! मदिरा उद्योग नेपालकै एक महत्वपूर्ण राजस्व स्रोत हो। त्यसको विकास र जिम्मेवार व्यापार संस्कृतिको प्रवर्द्धन हाम्रो साझा दायित्व हो। हामी नयाँ प्रविधि र पारदर्शी प्रणालीमार्फत यस क्षेत्रमा अझ सुदृढ संरचना निर्माण गर्न दृढप्रतिज्ञ छौं